Për herë të parë, çmimin “Tony” e fiton një transgjinore

Stilistja dhe aktivistja Qween Jean bëri histori në ndarjen e çmimeve “Tony” të mbrëmjes së kaluar, duke u bërë personi i parë që është deklaruar hapur transgjinor që fiton çmimin prestigjioz të teatrit.

Jean u nderua për kostumin më të mirë të një muzikali për punën e saj në “Cats: The Jellicle Ball” në ceremoninë e mbajtur në sallën e muzikës Radio City të New York City-t, transmeton Indeksonline.

“Kjo është një përvojë monumentale”, tha Jean në fjalimin e saj të pranimit gjatë pjesës së ceremonisë të quajtur çmimet ‘Tony’: Akti i parë”, raportoi Playbill. “Ne po qëndrojmë këtu mbi supet e personave queer dhe transgjinorë që erdhën para nesh. Ne po e pushtojmë hapësirën siç duhet. Ne duhet ta ndryshojmë paradigmën”.

“Ju falënderoj të gjithëve shumë për këtë nder të jashtëzakonshëm”, vazhdoi ajo. “Bota po përballet me vështirësi të mëdha tani dhe ne si shoqëri e dimë se të bashkuar, mund të arrijmë ndryshime të vërteta dhe të qëndrueshme.”/Indeksonline/