Për katër muaj koronavirusi mbyti 14 gjilanas

Për katër muaj, virusi vdekjesprurës – korona ua ka marrë jetën 14 personave nga Gjilani, shkruan IndeksOnline.

Këtë e ka bërë të ditur kryetari i kësaj komune, Lutfi Haziri.

Ai tha se numri i përgjithshëm i rasteve pozitive është 446, të shëruar janë 283, 149 janë raste aktive, në hospitalizim janë 32 pacientë, derisa fatkeqësisht, brenda katër muajve kanë vdekur 14 gjilanas.

“#Dita140. Nga rezultatët e fundit të IKSHP, u informuam për 11 raste të reja pozitive me COVID19, në Gjilan. Numri i përgjithshëm i rasteve pozitive është 446, të shëruar janë 283, 149 janë raste aktive, në hospitalizim janë 32 pacientë, derisa fatkeqësisht, brenda katër muajve kanë vdekur 14 gjilanas.

Ju lutem, kujdesu nga infeksioni me #COVID-19. Virusi nuk pyet çka e kush je. Të rrëzon përtoke e të merr me vete nëse nuk ruhesh!”, tha ai./IndeksOnline/