“Për shkak të sulmit ndaj Vuçiqit”: Delegacioni i Kuvendit të Serbisë u largua nga konferenca në Petrovac, u përmend edhe Kosova
![](https://indeksonline.net/wp-content/uploads/2024/06/petrov-600x360-1.jpg)
Për shkak të sulmeve të supozuara ndaj presidentit serb Aleksandar Vuçiq, delegacioni i Kuvendit të Serbisë u largua nga një konferencë në Petrovac.
Gjithçka ndodhi dje gjatë takimit “Avantazhet e Procesit të Berlinit: fokus i veçantë në tregun e përbashkët rajonal”.
Ata deklarojnë se Vuçiq është sulmuar nga deputetë të Bosnjë-Hercegovinës, Shqipërisë dhe Kosovës.
Delegacioni i Kuvendit të Serbisë udhëhiqej nga nënkryetarja Snezhana Paunoviq.
“Është e papranueshme që presidenti i Serbisë, i cili është zgjedhur legjitimisht dhe ligjërisht me vullnetin e qytetarëve, të akuzohet dhe të ofendohet nga përfaqësuesit e atyre që udhëheqja e të cilëve është emëruar nga qendrat e pushtetit, me dekret”, tha Paunoviq.