Përfituesit e ndihmave sociale nesër marrin dyfishin e asistencës sociale

Ministri në detyrë i Punës dhe Mirëqenies Sociale, Skënder Reçica, ka njoftuar të gjitha familjet përfituese të asistencës sociale se nga nesër do të pranojnë shumën e dyfishtë të asistencës sociale.

Ata do të marrin këtë pagesë deri në mars 2021.

Lexo më poshtë postimin e plotë;

Njoftim për familjet përfituese të asistencës sociale

Të gjitha familjet përfituese të asistencës sociale nga nesër do të pranojnë shumën e dyfishtë të asistencës sociale, ashtu siç është marrë vendimi për muajt janar, shkurt, mars 2021.

Për shkak të interesimit të shumë familjeve, përfitues të asistencës sociale, dua të njoftoj se Ministria e Punës dhe Mirëqenies Sociale i ka përcjell listat e familjeve përfituese në Thesar, për të procesuar me tej për shpërndarje të pagesave që nga nesër nëpër të gjitha pikat postare në bazë të marrëveshjes së MPMS-së me Postën e Kosovës.

Angazhimi ynë për t’u dalë në ndihmë kategorive në nevojë nuk do të mungojë asnjëherë.