Përformuesi gati mbytet gjatë audicioneve në shfaqjen e famshme

uria dhe shikuesit e “Britain’s Got Talent” janë tronditur të shtunën pasi një konkurrent gati u mbyt gjatë audicioneve.

Programi hit i kanalit ITV në Angli, i la fansat ‘të traumatizuar’ pasi eskapologu Andrew Basso doli në skenë për të kryer një akt të tmerrshëm.

36-vjeçari u përpoq të argëtonte fansat duke u ngjitur në një qeli torture uji, së cilës iu desh t’i shpëtonte duke hequr një bravë ndërsa ishte i lidhur me pranga dhe me kokë poshtë në kutinë e xhamit.

Ai iu tha gjyqtarëve të spektaklit: “Do të shpëtoj për dy minuta”.

“Më gjatë dhe nuk mund të dal gjallë. Unë jam duke rrezikuar jetën time”, tha tutje Basso.

Publiku filloi të shqetësohej kur eskapologu u përpoq furishëm të fuste çelësin në bravë për të shpëtuar.

Publiku ishte i heshtur ndërsa Andrew shikonte përreth me një vështrim të stresuar në fytyrën e tij, ndërsa minutat kalonin dhe arriti të shtyjë dhe të shpëtojë nga kutia.

Të katër gjyqtarët dhe publiku e duartrokitën duke u ngritur në këmbë, ndërsa shikuesit mbetën të tronditur.