Përfundon numërimi i votave me kusht në Prishtinë, ky është rezultati

Komisioni Qendror i Zgjedhjeve (KQZ) njofton se ka përfunduar numërimi i votave me kusht në shtatë vendvotimet e caktuara.

Sipas rezultatit të publikuar, kandidati i LDK-së e njëherësh kryetari aktual i Prishtinës, Përparim Rama ka marrë 68 vota.

Katër më tepër, pra 72, i ka marrë kandidati i LVV-së Hajrulla Çeko.

Uran Ismaili, i PDK-së ka marrë 56 vota, e Bekë Berisha nga AAK-ja nuk i mori më shumë se gjashtë vota.

Kandidatja e PSD-së Besa Shahini, i mori tri vota, kurse Merkur Beqiri i Alternativës, nuk e mori asnjë votë me kusht.