Përfundon projekti i rrugës për në Bjeshkët e Syriganës, pamje mahnitëse

Është përfunduar me sukses një nga projektet më të rëndësishme infrastrukturore në Komunën e Skenderajt, ndërtimi i rrugës “Syriganë – Bjeshkët e Syriganës”.

Këtë e ka bërë të ditur Kryetari i Komunës, Fadil Nura, përmes një postimi në rrjetin social Facebook.

“Një rrugë që ishte pothuajse e pakalueshme. Një bukuri natyrore që nuk mund të shijohej nga afër. Një premtim që u bë i mundur të realizohet plotësisht”, shkruan Nura, duke theksuar rëndësinë e projektit për zhvillimin e turizmit malor në këtë zonë me bukuri të rralla natyrore.

Rruga tashmë e përfunduar pritet të lehtësojë ndjeshëm qasjen në bjeshkë dhe të nxisë interesimin e vizitorëve, si nga vendi ashtu edhe nga jashtë.

Projekti është realizuar nga kompania “Benita Company”./IndeksOnline/