Përleshje bandash, në Meksikë, 23 persona të vrarë, 13 të plagosur

Një sulm zjarri ka ndodhur në një bar në jug të Meksikës të marten mbrëma i cili vrau 23 persona, ndërsa 13 të tjerë mbetën të plagosur. Sulmuesit futën një flakë të egër që depërtoi nëpër lokalin ”Caballo Blanco” në Coatzacoalcos, Veracruz, duke vrarë tetë gra dhe 15 burra.

Policia e shtetit po heton një sulm të mundshëm me zjarrvënie, i cili mund të ketë filluar me bomba benzine dhe tha se kërkimi për sulmuesit vazhdon. Guvernatori i Veracruz Cuitlahuac Garcia tha  se ka ndodhur  një mosmarrëveshje midis bandave dhe u përfshimë në flakë, transmeton Indeksonline.

Sulmi, së bashku me vrasjen e 19 personave në qytetin perëndimor të Uruapan në fillim të këtij muaji, ka të ngjarë të rinovojë frikën se dhuna publike e luftës së drogës 2006-2012 është rikthyer.

“Në Veracruz, bandat kriminale nuk tolerohen më,” shkroi Garcia për sulmin, duke shtuar se policia, forcat e armatosura dhe Garda Kombëtare e sapohapur po kërkojnë fajtorët./Indeksonline/

”Krimi djallëzor i disa çasteve më parë në Coatzacoalcos nuk do të mbetet i pandëshkuar”, vazhdoi ai.

Zyra e prokurorit të përgjithshëm të shtetit dënoi ”çfarë mund të përbëjë një sulm me qëllim të keq”.   

Fotografitë e vendit të ngjarjes treguan brendinë e lokalit me karrige të përmbysura dhe mbeturinat që ndanin dyshemenë dhe automjetet e urgjencës dhe policia jashtë ndërtesës.

Nuk ka informacion për gjendjen e të dëmtuarit. /Indeksonline/