Përleshje me armë midis 7 personave në Prizren, dy të lënduar

Të mërkurën, rreth orës 02:00 është raportuar në polici për një përleshje midis disa personave.

Sipas njoftimit të policisë, 7 persona janë përleshur ndërmjet vete, ku dy prej tyre kanë pësuar lëndime pas shkrehjes së armës.

Ndërsa është bërë e ditur se tre persona janë ndalur dhe 4 të tjerë gjenden ende në arrati.

Rr. “Transiti i ri Arban”, Prizren 29.01.2025 – 02:00. Është raportuar se shtatë persona të dyshuar meshkuj kosovarë janë përleshur mes vete ku ka pasur  edhe shkrehje të armës. Dy nga të dyshuarit gjenden në spital për trajtim mjekësor. Është kontaktuar  prokurori i cili ka  lëshuar vendimin për tre të dyshuarit për ndalim për 48 orë. Katër persona  të tjerë gjenden në arrati”, thuhet në raportin 24-orësh të Policisë së Kosovës.

Rasti është ende duke u hetuar nga organet e rendit./Indeksonline/