Përmbytje të mëdha në Majorca, nëntë persona humbin jetën
Të paktën nëntë persona kanë humbur jetën pas përmbytjeve të fundit që goditën ishullin spanjoll të Majorca-s, gjatë natës së kaluar.
Në mesin e viktimave është edhe një çift britanez të cilët po kryenin pushimet në këtë ishull.
Çifti u gjetën të vdekur në një taksi që i kishte vozitur ata në qytetin e Sant Llorenc des Cardassar rreth orës 8 të mëngjesit, ditën e martë kur një lum i afërt shpërtheu nga të reshurat, transmeton Indeksonline.
Edhe të tjerë britanikë besohet të jenë në mesin e viktimave-duke përfshirë edhe shoferin e taksisë të çiftit.
Përmbytjet në fjalë kanë arritur të shkatërrojnë thuajse gjithë vendin, duke pësuar lëndime edhe shumë persona të tjerë dhe dëme materiale në shumë shtëpi të banuara./Indeksonline/