75 Mall Live Search
16:59 / E Shtunë, 16 Shtator 2023 / MSH

Përmbytjet në Libi, ekipet malteze të shpëtimit nxjerrin rreth 400 trupa të viktimave nga plazhi

Ekipet e shpëtimit nga Malta gjetën disa qindra trupa të viktimave të përmbytjeve katastrofike në plazhin e qytetit libian Derna.

Mediat e huaja shkruajnë se ato kanë gjetur rreth 400 trupa sipas vlerësimeve paraprake.

“Në plazh kishte rreth 400 trupa sipas vlerësimeve paraprake, megjithëse është e vështirë të thuhet numri i saktë”, tha kreu i ekipit të shpëtimit, Natalino Bezina.

Ai vend dërgoi një ekip prej 72 shpëtimtarësh, anëtarë të mbrojtjes ushtarake dhe civile.