Personi që dyshohet se sulmoi Petroviqin i afërt me Listën Srpska

Kryetari i Partisë Serbe SLS, Slobodan Petroviq pretendoi se është sulmuar sot në Prishtinë nga Milan Kostiq.

Kostiq i cili mbante pozitën e këshilltarit të ish-ministrit të Bujqësisë, Pylltarisë dhe Zhvillimit Rural të Kosovës, Nenad Rikallo, shihet si njeri i afërt me Listën Srpska, transmeton Indeksonline

Kostiqit shquhet edhe si një përkrahës i Milan Radoiçiq, njeriut i cili është i akuzuar për vrasjen e Olover Ivanoviqit, e që aktualisht është në kërkim të organeve të sigurisë.

Ndryshe, Policia e Kosovës ka konfirmuar sulmin ndaj kryetarit të SLS-së njëhrssh deputet i Kuvendit të Kosovës Slobodan Petroviq nga dy anëtarët e Listës Serbe, Milan Kostiq dhe Nenad Miliceviq.

Policia përmes një njoftimi ka thënë se për këtë rast ka shoqëruar dy persona.

Njoftimi i PK-së:

Sot rreth orës 10:30, policia  ka marrë informacionin se në rrugën “Fazli Grajqevci”  në Prishtinë, ka ndodhur një mosmarrëveshje në mes të tre personave.

Lidhur me këtë rast, policia ka shoqëruar në stacionin policor  dy persona për të cilët ekziston dyshimi se mund të jenë të përfshirë  në rastin në fjalë.

Policia ka ndërmarrë të gjitha veprimet e nevojshme hetimore me qëllim të zbardhjes së të gjitha rrethanave që kanë të bëjnë me këtë ngjarje. 

Aktualisht në koordinim me prokurorin e shtetit po kryhen veprimet e fazës fillestare hetimore për të proceduar më tej në fazat e tjera.