Personi që e goditi për vdekje 5-vjeçarin në Lubizhdë të Hasit është 17 vjeç
Dje ka ndërruar jetë një 5 vjeçar në Lubizhdë të Hasit, si pasojë e goditjes me veturë.
Personi që po voziste veturën, e cila u përfshi në aksidentin me fatalitet është 17 vjeçar, shkruan Indeksonline.
Moshën e tij për Indeksonline e ka konfirmuar zëdhënësi i policisë për rajonin e Prizrenit, Vesel Gashi.
“Po është e vërtetë që mosha e tij është 17 vjeç, të gjitha veprimet janë kryer në koordinim me prokurorin e shtetit”, u shpreh shkurt Gashi.
Shoferi i veturës është dërguar me urdhër të prokurorit në mbajtje për 48 orë.
Lajmin për aksidentin e ka konfirmuar Shaban Osmanollaj, zëdhënës i Policisë së Rajonit të Prizrenit.
“Gjatë ditës së sotme ka ndodhur një aksident trafiku me fatalitet në Lubizhdë-Has. Një veturë ka goditur për vdekje një fëmijë pesë vjeç. Me vendim të prokurorit shoferi i veturës është dërguar në mbajtje për 48 orë”, ka konfirmuar Osmanollaj.