Përurohet renovimi i Qendrës së Mjekësisë Familjare në Bregun e Diellit

Në Komunën e Prishtinës sot është bërë përurimi edhe i një Qendre të Mjekësisë Familjare.

Përmes një postimi në Facebook, kryetari Shpend Ahmeti ka thënë se ka përfunduar tashmë renovimi i QMF-së VI në lagjen Bregu i Diellit.

Ai ka falënderuar të gjithë që mundësuan kompletimin e renovimit të kësaj QMF-je, duke publikuar edhe fotografi të pamjes së re të kësaj qendre.

“Sot përuruam renovimin e Qendrës së Mjekësisë Familjare VI në Breg të Diellit. Falënderoj të gjithë që mundësuan kompletimin e renovimeve në QMFtë e kryeqytetit për shërbime më të mira për qytetarët”, ka shkruar Ahmeti./Indeksonline/