Përveç taksës, Hoxhaj paralajmëron masa të tjera kundër Serbisë

Zëvendëskryeministri i Kosovës, Enver Hoxhaj, ka paralajmëruar reciprocitet edhe në fushat e tjera kundër Serbisë.

“Kjo do të ndodhë nëse Serbia vazhdon me cënu integritetin territorial të Kosovës” është shprehur Hoxhaj.

Sipas tij, taksa nuk do të hiqet por do vazhdohet edhe me ide tjera kreative.

“Nëse Serbia vazhdon me cenu integritetin territorial të Kosovës ne taksen nuk e heqim por vazhdojmë me ide tjera kreative që kemi, e me to edhe mund të habiteni cilat janë” ka thënë Enver Hoxhaj pas një takimi që pati me zëvendës kryeministrin e Maqedonisë Veriore, Bujar Osmanin.

Ndryshe, taksa e vendosur nga Kosova i ka kushtuar miliona euro humbje shtetit serb.