Pesë të lënduar në një aksident trafiku në rrugën Prishtinë-Fushë Kosovë, të përshira tri vetura

Pesë persona kanë pësuar lëndime në një aksident trafiku, i cili ka ndodhur sot rreth orës 15:00 në rrugën Prishtinë-Fushë Kosovë.

Zëdhënësja e policisë së Kosovës për rajonin e Prishtinës Flora Ahmeti ka thënë për “Indeksonline” se në  këtë aksident ku të lënduar kanë mbetur pesë persona, kanë qenë të përfshira tri automjete.

“Sot rreth orës 15:00 kemi pranuar informatën se në rrugën Prishtinë -Fushë Kosovë, ka ndodhur një aksident trafiku me lëndime. Në këtë aksident kanë qenë të përfshira tri automjete. Si pasojë e aksidentit janë lënduar pesë persona. Me rastin po merret njësiti i trafikut rajonal”, ka thënë Ahmeti. /Indeksonline/