Petkoviqit nuk i aprovohet kërkesa për të hyrë në Kosovë, deklarohet Ministria e Jashtme
![](https://indeksonline.net/wp-content/uploads/2023/07/Petar-Petkovic-1-1.jpg)
Drejtorit të ashtuquajturës Zyrë për Kosovë në Qeverinë e Serbisë, Petar Petkoviq, nuk i është aprovuar kërkesa për hyrje në Republikën e Kosovës.
Nga ministria e Punëve të Jashtme dhe Diasporës, nuk kanë dhënë detaje lidhur me arsyen, por kanë konfirmuar se nuk ia kanë aprovuar këtë herën kërkesën e zyrtarit serb.
“Ju konfirmojmë se Ministria e Punëve të Jashtme dhe Diasporës nuk e ka aprovuar këtë herë kërkesën e zyrtarit serb Petar Petkoviq për hyrje në Republikën e Kosovës”, thuhet në përgjigjen e MPJD për IndeksOnline.