14:31 / E Mërkurë, 11 Nëntor 2020 / OSH
Pezullohet puna në objektin e ambulancave specialistike, në QKUK
Shërbimi Spitalor Klinik dhe Universitar i Kosovës, njofton se Komiteti për menaxhim të situatës me COVID-19, në nivel të SHSKUK-së, ka vendosur të pezullojë punën në objektin e ambulancave specialistike, në Qendrën Klinike Universitare të Kosovës.
Pezullimi i punës bëhet për shkak të gjendjes epidemiologjike në vend dhe rritjes së vazhdueshme të rasteve me Covid-19.
QKUK-ja do të vazhdojë të ofrojë shërbime shëndetësore për rastet emergjente që kanë nevojë për trajtim mjekësor.
Ky vendim do jetë në fuqi deri në një vendim tjetër!
