Piloti ra pa ndjenja gjatë fluturimit/ Pasagjeri pa eksperiencë bën të papriturën

Një pasagjer pa përvojë fluturimi bëri një lutje urgjente për ndihmë në radio kur piloti i një avioni të vogël u sëmur papritmas në brigjet e Atlantikut të Floridës, e më pas ishte në gjendje të ulte avionin në mënyrë të sigurt me ndihmën e kontrollorëve të trafikut ajror.

“Kam një situatë serioze këtu,” tha burri pasditen e së martës, sipas audios në LiveATC.net, një faqe interneti që transmeton dhe arkivon komunikimet e kontrollorëve të trafikut ajror. “Piloti im është ap ndjenja. Nuk e kam idenë se si të fluturoj me aeroplan.”

Një kontrollor i trafikut ajror në Fort Pierce u përgjigj, duke pyetur nëse e dinte pozicionin e avionit Cessna 208.

“Nuk e kam idenë. Unë mund të shoh bregdetin e Floridës përballë meje dhe nuk e kam idenë, “tha pasagjeri.

Sipas Flight Aware, avioni ishte nisur më herët të martën nga Aeroporti Ndërkombëtar Marsh Harbor në Bahamas. Sipas një njoftimi për lajmet e Administratës Federale të Aviacionit, në avion ndodhej piloti dhe 2 pasagjerë.

Ndërsa avioni fluturonte mbi Florida, kontrollori Christopher Flores, duke folur me shumë qetësi, i tha pasagjerit që “të ruante krahët në nivel dhe të përpiqej të ndiqte bregun, qoftë në veri ose në jug”. 

Kaluan minuta para se kontrollorët të ishin në gjendje të gjenin avionin, i cili deri atëherë po shkonte në veri mbi Boca Raton.

“Tani kemi një pilot të ri,”  tha një kontrollor pasi avioni u ul pa probleme në asfalt.