Plagosje me armë në bjeshkët e Isniqit

Një person është lënduar pas gjuajtjes me armë  në bjeshkën e Isniqit, përcjellë Indeksonline.

Sipas informacioneve që ka bërë të ditur Policia e Kosovës, personi që është lënduar së bashku me të dyshuarin kanë gjuajtur me armë në shenjë ilegalisht, nga edhe nga ardh lëndimi.

D.T, 33 vjeçar është lënduar në hundë mirëpo është jashtë rrezikut për jetë.

Më poshtë gjeni edhe njoftimin e plotë të Policisë së Kosovës:

Me datë 26.05.2019, Policia e Kosovës konkretisht stacioni policor në Deçan, ka marrë informacion se rreth orës 17:00, një person i plagosur fillimisht ka kërkuar ndihmë mjekësore në QKMF në Deçan e pastaj për shkak të lëndimeve me serioze personin e lënduar e kanë dërguar në spitalin rajonal në Pejë për trajtim të mëtutjeshëm.

Menjëherë policia u është përgjigjur rastit me ç’rast ka evidentuar  se personi i lënduar në këtë rast është,  D.T. i lindur (1986).

Personi i lënduar sipas mjekëve në spitalin rajonal të Pejës është i plagosur nga arma e zjarrit në pjesën e fytyrës (hundë) por që pas intervenimit mjekësor, i njëjti është jasht rrezikut për jetë.

 Nga hetimet fillestare në koordinim të plotë me prokurorin e prokurorisë themelore në Pejë, departamnti për krime të rënda është gjetur se personi i lënduar në këtë rast së bashku me personin e dyshuar,  N. T. i lindur (1978), kanë qenë duke gjuajtur me armë zjarri në shenjë ilegalisht në bjeshkën e Isniqit të quajtur Pleqe.

Përndryshe, lidhur me këtë rast dy personat e lartcekur janë trajtuar si të dyshuar për veprën penale ‘Përdorim i armës apo mjetit të rrezikshëm” dhe të njëjtit me vendim të prokurorit janë liruar në procedurë të rregullt, derisa rasti është duke u hetuar nga sektori i hetimeve stacioni policor në Deçan në koordinim të ngushtë me prokurorinë themelore në Pejë, Departamenti për krime të rënda.