Po barte migrantë, i dyshuari rrezikon zyrtarët policorë në Leposaviq
![](https://indeksonline.net/wp-content/uploads/2023/06/352866110_1443988656413828_646484883011935544_n-1.jpg)
Njëmbëdhjetë migrantë janë hasur në veturën e një të dyshuari në Leposaviq.
Rasti ka ndodhur dje rreth orës 1 të mëngjesit, raporton Indeksonline.
Policia ka ndaluar të dyshuarin që po drejtonte veturën, dhe gjatë kontrollit ka hasur migrantët.
Sipas policisë, pasi ka zbritur migrantët nga vetura, i dyshuari është larguar vrullshëm nga vendi i ngjarjes, duke rrezikuar zyrtarët policorë.
Në raportin 24 orësh, policia sqaron se për ta ndaluar sulmin, ka shtënë me armë zjarri në drejtim te të dyshuarit.
“Në vendin e ngjarjes si prova materiale janë gjetur dhe konfiskuar 11 gëzhoja” thuhet në njoftim të policisë.
Rasti i iniciuar si “Sulm ndaj personit zyrtar” është duke u hetuar nga njësitet relevante./Indeksonline/