Po e kërkon Shqipëria, Gruda ftohet nga Gjermania për ndeshjen ndaj Kosovës

Kombëtarja e Gjermanisë U21 me trajner, Antonio Di Salvo ka zbuluar listën e futbollistëve për dy ndeshjet e muajit mars.

Në listën e trajnerit gjerman figuron edhe emri i mesfushorit shqiptar, Brajan Gruda, shkruan Indeksonline

Gruda është duke u kërkuar me ngulmë nga Kombëtarja e Shqipërisë, madje Sylviho e sheh talentin e Mainzit si pjesë të Euro 2024.

19-vjeçari pritet të jetë standard në dy ndeshjet e vlefshme të Gjermanisë U21, ndaj Kosovës dhe Izraelit.

Gjatë këtij sezoni, Gruda në Bundesliga ka zhvilluar 21 ndeshje, ka shënuar një gol dhe ka bërë dy asiste../IndeksOnline/