“Po kam qejf me të taku’ – faqja zyrtare e KF Trepçës ‘kapet’ me tifozët e klubit

Faqja zyrtare e KF Trepçës nuk po përmbahet me kritika dhe në disa raste edhe kërcënime ndaj tifozëve të klubit mitrovicas.

Pak minuta më parë ka ardhur dhe reagimi i Torcidës 1984 të cilët kanë treguar se ky lloj komunikimi është kërcënim ndaj anëtarëve.

Një gjë e tillë nuk ishte parë më herët në futbollin tonë, ku faqja zyrtare e klubit komunikon me tifozët në rrjetet e tyre private.

‘Po kam qejf me të taku’, ka qenë një nga postimet e faqëz zyrtare të klubit Trepça në adresë të tifozëve të këtij klubi.