Po rikthehet “Peaky Blinders”?

Ndërsa krijuesi i “Peaky Blinders”, Steven Knight, është në post-prodhim të filmit “The Immortal Man”, një vazhdim i serialit të famshëm duket se do të realizohet nga BBC dhe Netflix, për dy sezone të tjera.

Seriali u zhvillua për gjashtë sezone që përfunduan në vitin 2022, por Cillian Murphy do të riinterpretojë rolin e tij si Tommy Shelby.

Vazhdimi, i cili nuk dihet nëse do të quhet “Peaky Blinders”  apo do të ketë një titull tjetër për serinë e re, do të zhvillohet në një Birmingham të pasluftës, ndërsa Blinders dhe organizata të tjera konkurrojnë për të rindërtuar qytetin sipas imazhit të tyre.

Përmbledhja zyrtare thotë:

Britania, 1953. Pasi u bombardua rëndë në Luftën e Dytë Botërore, Birmingham po ndërton një të ardhme më të mirë nga betoni dhe çeliku. Në një epokë të re të Peaky Blinders të Steven Knight, gara për të zotëruar projektin masiv të rindërtimit të Birminghamit bëhet një garë brutale me përmasa mitike. Ky është një qytet me mundësi dhe rrezik të paparë: me familjen Shelby pikërisht në zemrën e tij të përgjakur.