75 Mall Live Search
22:48 / E Martë, 24 Nëntor 2020 / OSH

Podujevë: Hajnat i hyjnë në katin e tretë dhe i vjedhin 2000 euro, ari, pasaporta e 4 kartela bankare

Një vjedhje e rëndë ka ndodhur në fshatin Pakashtricë e Poshtme në komunën e Podujevës, sot  rreth orës 19:00.

IndeksOnline mëson nga burimet e veta se një familjeje në Podujevë i kanë hyrë hajnat në shtëpi, saktësisht në katin e tretë, gjersa ishin duke ndenjur në katin përdhese.

Po ashtu, IndeksOnline mëson se të dyshuarit kishin vjedhur 2000 euro para të gatshme, një unazë ari në vlerë rreth 200 euro, 4 kartela bankare , pasaporta e ankuesit I D., letërnjoftimi dhe pasaporta e gruas së ankuesit.

Në vend ngjarje kanë dalë njësia  e hetimeve dhe forenzikës./IndeksOnline/