Podujevë: Policia ndalon një kamion të ngarkuar me drunj, nuk kishte dokumentacion

Njësitet policore kanë ndaluar një kamion në Podujevë, të ngarkuar me drunj teknikë.

Rasti ka ndodhur pasditen e djeshme, në fshatin Shajkovc, raporton IndeksOnline.

Sipas policisë, i dyshuari, drejtues i kamionit me targa vendore, nuk kishte dokumentacion përcjellës për drunjtë.

“Sasia drunore është konfiskuar, ndërsa i dyshuari është liruar në procedurë të rregullt”, deklaron policia.

Rasti është iniciuar si “Transport i kundërligjshëm i drunjve”./IndeksOnline/