Polici godet emigrantin marokien në Prishtinë, pamje nga vendi i ngjarjes!

Një rrahje mes dy shtetasve nga Maroku dhe një kosovari ka ndodhur para disa ditësh në lagjen “Velani” të Prishtinës.

Indeksonline ka siguruar pamje të arrestimit të këtyre personave.

Ndonëse të prangosur, njëri nga policët nuk kurseu njërin prej të dyshuarve duke e goditur në trup, derisa gjendej në veturë.

Pas kësaj sjellje, marokieni dëgjohet duke kërkuar ndihmë në gjuhën e tij.

Ndryshe, Policia e Kosovës ka konfirmuar rastin.

“Janë arrestuar 3 meshkuj/ 2 shtetas Maroken dhe një kosovar, të cilët ishin rrahur në mes vete. Lidhur me rastin në stacionin policor janë shoqëruar edhe tre meshkuj kosovar dy kishin marrë lëndime trupore, ndërsa njërit iu ka dëmtuar automjeti. Me vendim të prokurorit të dyshuarit dërgohen në mbajtje”.

Indeksonline mëson se azilkërkuesit nga me origjinë arabe kishin qëndruar qe një kohë tek vendi i quajtur “Guest House”, që ndodhe në lagjen “Velani” të kryeqytetit. /Indeksonline/