Policia me aksion në veri,gjen armë, pajisje për prodhimin e kriptovalutave dhe pajisje tjera të dyshimta
Policia e Kosovës ka zhvilluar një aksion në pjesën veriore të vendit.
Ky aksion u zhvillua pas pranimit të një informate mbi dyshimet se në një lokacion ka mjete të dyshuara.
Lidhur me këtë njësitet policore kanë ndërmarrë veprimet e menjëhershme ku kanë kryer një kontroll në rrugën ,, Kollashini “ në qytetin e Mitrovicës Veriore.
Sipas njoftimit kontrolli është realizuar në një shtëpi dhe në objektet përcjellëse të saj.
Dëshmitë e gjetur dhe të konfiskuar janë:
- Një armë e gjatë(pushkë ajrore),
- Pesë (5) Kartela Grafike për prodhimin e Kriptovalutave me pajisje përcjellëse,
- Dyzet e dy (42) minera për prodhim të Kriptovalutave me pajisje përcjellëse,
- Një (1) shtëpizë e Kompjuterit
- Një (1) karikator i revoles
- Katërmbëdhjetë (14) fishek të revoles kalibri 9 mm
- Një (1) Radiolidhje
- Një (1) kamerë vëzhgimi,
- Një (1) Divijar,
- Një (1) vulë metalike dhe
- Një (1) Letërnjoftim
Po ashtu është bërë e ditur se aparatet për prodhimin e kriptovalutave do t’i dorëzohen Doganës së Kosovës.
I dyshuari eshte paraqitur në polici dhe për momentin është duke u intervistuar, ka thënë për Indeksonline, Veton Elshani – zvdrejtor në Policinë e Kosovës për rajonin e veriut.
Në lidhje me rastin është njoftuar Prokurori i Shtetit i cili ka urdhëruar inicimin e rastit ‘’Mbajtja në pronësi, kontroll ose posedim i pa autorizuar të armëve’’./Indeksonline/
