Policia arreston një person, kishte ikur nga vendi i ngjarjes pas një aksidenti trafiku

Policia e Kosovës më saktësisht Njësiti i Trafikut të Kryeqytetit ka identifikuar një person të dyshuar për përfshirje në një aksident trafiku me lëndime trupore, i cili ishte larguar nga vendi i ngjarjes.

Sipas policisë aksidenti ka ndodhur më 23.12.2025, në rrugën “Ali Aliu Kelmendi” në Prishtinë, ku janë përfshirë një automjet dhe një këmbësor.

Pas aksidentit, drejtuesi i automjetit ishte larguar nga vendi i ngjarjes.

Pas ndërmarrjes së veprimeve hetimore, është arritur identifikimi i personit të dyshuar. I njëjti është intervistuar dhe ndaj tij kanë filluar procedurat ligjore në përputhje me legjislacionin në fuqi.