Policia arreston të dyshuarin që dogji tri vetura

Policia në Prishtinë arrestoi dje një të dyshuar për djegie veturash.

Sipas policisë, personi në fjalë dyshohet se më 10 dhjetor të vitit të kaluar, rreth orës 04:30, në rrugën “Sali Nivica”, ka djegur tri vetura.

Pas hetimeve të zhvilluara, policia ka arritur të lokalizojë dhe prangosë të dyshuarin, raporton Indeksonline.

36 vjeçari M.Rr., pas intervistimit është dërguar në mbajtje.

Rasti është cilësuar si “Zjarrvënie” dhe “Shkaktim i rrezikut të përgjithshëm”.

“Polica po vazhdon punën në drejtim të garantimit të rendit dhe sigurisë publike si dhe goditjes së individëve dhe grupeve kriminale, me fokus të veçantë zbardhjen e veprave kriminale, identifikim dhe arrestimin e të dyshuarve të implikuar në ngjarjet kriminale” thuhet në njoftim./Indeksonline/