Policia arreston tre persona për grabitjen në Gjilan

Me datën 23.10.2018 rreth orës 23:45, viktima derisa ishte duke ecur në rrugën “Elez Agushi” në Gjilan, një person i panjohur i vie nga mbrapa dhe me forcë ia grabitë çantën e krahut viktimës, dhe me shpejtësi duke vrapuar arrin të largohet në drejtim të pa njohur.

Pas një pune hetimore të koordinuar operative, njësiti i hetimeve të stacionit policor të Gjilanit me 20 mars 2019 rreth orës 18:30 kanë arritur t’i identifikojnë dhe t’i arrestoj kryerësit e kësaj vepre penale e cilësuar si “Grabitje”.

Tre të dyshuar shqiptar shtetas të Kosovës  janë  intervistuar ne prezencën e mbrojtësve te tyre si dhe në prezencën e punëtorit te QPS-së, pasi që njëri nga të dyshuarit është i mitur.

Janë gjetur prova dhe dëshmi të qëndrueshme se këta tre të dyshuar janë të involvuar dhe  dyshohet se janë bashkëpjesëmarrës ne kryerjen edhe të veprave tjera penale si “Grabitje” dhe raste të “Vjedhjeve” dhe “Vjedhjeve” të rënda.

Të dyshuarit janë ndalur nga Policia. Njësitet e hetimeve nga stacioni policor i Gjilanit janë duke i hetuar rastet.