Policia deklarohet për krimin e rëndë në kryeqytet

Të shtëna armësh janë dëgjuar rreth orës 16:00 në lagjen “Mati 1” në kryeqytet.

Disa persona kanë mbetur të plagosur ndërsa është konfirmuar edhe një i vdekur si pasojë e plumbave të kallashnikovit, raporton Indeksonline.

Policia e Kosovës me të gjitha njësitet përkatëse, autoambulanca dhe prokurori kanë dalë në vendin e ngjarjes dhe po merren me rastin.

“Sot rreth orës 16:00, kemi pranuar informatën për të shtëna me armë në rrugën Muharrem Fejza në Prishtinë. Menjëherë në vendin e ngjarjes kanë dalë njësitet policore të cilat kanë hasë në katër persona të plagosur, te njëjtit janë dërguar për tretman mjekësor”, ka thënë për Indeksonline, Flora Ahmeti, zyrtare për informim në Policinë Rajonale në Prishtinë.