Policia deklarohet për të shtënat me armë në Prishtinë

Indeksonline pak më parë raportoi për të shtëna me armë zjarri në Prishtinë. Rastin e ka konfirmuar edhe zëdhënësja e Policisë për Rajonin e Prishtinës, Flora Ahmeti.

Ajo konfirmon se sipas informacioneve fillestare nuk raportohet për persona të lënduar.

Deri më tani në stacion policor janë shoqëruar në stacion katër persona të cilët dyshohet se kanë qenë të përfshirë si dhe është sekuestruar një AK-47.

Deklarata e plotë e Ahmetit për Indeksonline:

Rreth orës 18:30, policia ka marrë informatën për të shtëna me armë në rrugën “Gazmend Zajmi” në Prishtinë.

Menjëherë pas marrjes së informatës policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.

Bazuar në informacionet fillestare nuk raportohet për persona të lënduar.

Lidhur me këtë rast zyrtarët policor të stacioneve veriu dhe qendra kanë arritë që në lagjen Arbëria, të ndalojnë një automjet të dyshuar dhe të gjejnë dhe sekuestrojnë një armë AK-47, të cilën njëri nga të dyshuarit e ka hedhë në mbeturina.

Deri tani në stacion policor janë shoqëruar në stacion katër persona të cilët dyshohet se  kanë qenë të përfshirë.

Aktualisht hetuesit policor në koordinim me prokurorin e shtetit po ndërmarrin veprimet e nevojshme për zbardhjen e rastit.