Policia deklarohet për therrjen me thikë në Prishtinë

Policia e Kosovës ka dhënë detaje për therrjen me thikë në rrugën ‘Muharrem Fejza’ në Prishtinë.

Sipas informacioneve të para personi që ka pësuar lëndime trupore në këtë rast është një mashkull, 16 vjeçar.

“Rreth orës 22:30 kemi pranuar një informatë për një rast të therrjes me thikë. Rasti ka ndodhur në rrugën Muharrem Fejza në Prishtinë, ku dyshohet se një person (mashkull) 16 vjeç ka pësuar lëndime”, ka thënë për Indeksonline, zëdhënësja e policisë për rajonin e Prishtinës, Flora Ahmeti.

Tutej e njëjta tha se viktima është dërguar për tretman mjekësor, ndërkohë që njësitet policore janë duke punuar në identifikimin dhe arrestimin e personave të dyshuar./Indeksonline/