Policia e Kosovës po kërkon personat që sulmuan Hotin

Zëvendëskryeministri i Kosovës, Avdullah Hoti sot  është sulmuar me vezë, afër ndërtesës së qeverisë., shkruan IndeksOnline.

Sipas videos, personat që e sulmuan atë  kërkonin mos largimin e taksës 100 % ndaj Serbisë.

Për këtë rast, Policia e Kosovës janë vënë në kërkim të personave që e sulmuan Hotin.

Këtë e konfirmoj për IndeksOnline, zëdhënësi i Policisë së Kosovës, Bajram Krasniqi/

“Lidhur me interesimin tuaj u njoftoj se: me të pranuar informatën për rastin, njësitë përkatëse të Stacionit Policor ‘Qendra’ kanë dal në vendngjarje, kanë filluar veprimet operative-hetimore, është njoftuar prokurori dhe në konsultim me të është inicuar rasti ‘Sulm’. Për të reja tjera rreth rastit u njoftojmë me kohë”, ka thënë Krasniqi.

Ndryshe, lidhur me sulmin kanë reaguar kolegët e Hotit.

Së fundmi ka reaguar edhe kryeministri Albin Kurti, i cili i ka uruar Hotit punë të mbarë dhe i kërkoi opozitës frymëbashkëpunuese./IndeksOnline/