Policia e Kosovës sërish institucioni që qytetarët i besojnë më së shumti

Në çdo raport apo statistikë të publikuar nga institucionet vendore, që merren me hulumtimin e opinionit publik, Policia e Kosovës gjithmonë rezulton të jetë institucioni më i besueshëm në vend, raporton IndeksOnline.

Njësoj ka ndodhur edhe në raportin e fundit të publikuar nga Qendra Kosovare për Studimet të Sigurisë (QKSS).

Sipas këtij raporti një pyetje e parashtruar ndaj respondentëve, rezulton se Policia e Kosovës ka besueshmërinë më të madhe nga qytetarët me 47 për qind.

E dyta radhitet Ushtria e Kosovës, saktësisht FSK-ja me 17 për qind.

Në fund të listës renditet komunat, institucionet e drejtësisë, ato arsimore dhe partitë politike.