Policia jep detaje për aksidentin në ”Kodrën e Trimave”, ka të lënduar

IndeksOnline pak minuta më parë raportoi për një aksident trafiku te ”Kodra e Trimave” në Prishtinë.

Rastin për IndeksOnline e ka konfirmuar edhe zëdhënësi i Policisë së Kosovës për kryeqytetin, Enis Pllana.

Pllana ka thënë se në këtë aksident janë përfshirë tri vetura dhe një këmbësor, ku njëra prej veturave ka qene e parkuar.

”Sot rreth orës 17:00 kemi pranuar informatën për një aksident trafiku me lëndime në rrugën “Fahri Fazliu” në Prishtinë. Në aksident janë përfshirë tri vetura dhe një këmbësor. Si pasojë lëndime ka pësuar një person, i cili pranuar tretman mjekësor” deklaroi Pllana.

Ai bëri me dije se njëra veturë ka qenë në levizje ndërkaq dy të tjera ishin të parkuara./IndeksOnline/