Policia kërkon të pajiset me shufra e pranga, ndan mijëra euro (Dokument)

Policia e Kosovës pak ditë më parë ka paraqitur kërkesë përmes E-prokurimit që të pajiset me pranga dhe shufra.

Vlera buxhetore e ndarë për këtë tender është hiç më pak se 102,240.00 euro, shkruan IndeksOnline.

Në njoftim po ashtu precizohen disa nga kërkesat që duhen plotësuar nga ana e operatorit ekonomik.

“Vërtetim nga një gjykatë kompetente ku vërteton se drejtuesit, menaxherët e saj gjatë dhjetë vjetëve të kaluar nuk janë shpallur fajtorë nga një gjykatë kompetente për kryerjen e një vepre penale ose civile duke përfshirë praktikat e korrupsionit, larjen e parave, dhënien e mitos, avantazhe ose aktivitetet e ngjashme”, thuhet në njoftim.

Më tej, afati i fundit për pranimin e tenderëve është 1 korriku i këtij viti, deri në orën 14:oo./IndeksOnline/