Policia konfirmon arrestimin e turkut në Prishtinë, kërkohej për mashtrim nga Moldavia

IndeksOnline pak më parë raportoi për arrestimin e një shtetasi turk, i cili ishte shpallur në kërkim ndërkombëtar.

Rasti është konfirmuar për IndeksOnline edhe nga Policia e Kosovës.

“Mund të konfirmojmë se sot në rajonin e Prishtinës, Policia e Kosovës përmes njësisë FAST Kosova, ka arrestuar një person të dyshuar (shtetas turk) i cili ishte në kërkim nga autoritetet e Moldavisë, si i dyshuar për përfshirje në veprën penale mashtrim”, ka thënë për IndeksOnline, zëdhënësi i Policisë, Baki Kelani.

Ai ka thënë se të gjitha veprimet e mëtejme do të ndërmerren sipas procedurave të parapara ligjore./IndeksOnline/