Policia në Shqipëri u bën apel shoferëve për kujdes në vozitje

Policia e Shtetit ka bërë të ditur se Shërbimet e Policisë Rrugore janë të angazhuara maksimalisht për të parandaluar aksidentet rrugore dhe për t’ju ardhur në ndihmë përdoruesve të rrugës në rast nevoje, si pasojë e motit të keq me reshje shiu  dhe dëbore .

Në njoftimin e lëshuar u bëhet apel qytetarëve që të kenë kujdes sa më shumë.

“Policia e Shtetit apelon për drejtuesit të automjeteve dhe motomjeteve që të rrisin vigjilencën gjatë drejtimit të mjeteve, të moderojnë shpejtësinë, të vendosin zinxhirë në akset ku ka prezencë të dëborës dhe të ndjekin udhëzimet e Policisë Rrugore”, thuhet në njoftimin e Policisë së Shtetit.