Policia gjen në veri sërish armë, municion dhe mjete të tjera ilegale

Në vazhdën e pranimit të informacioneve nga ana e qytetarëve, sot më 03.02.2026, Policia e Kosovës ka pranuar një informacion se në një bodrum të një ndërtese në rrugën “Vasilije Ostroshki”, në Mitrovicë Veri, mund të ketë mjete te dyshimta ilegale. Pas pranimit të informacionit, policia ka ndërmarrë veprime të menjëhershme, ku gjatë kontrollit, përkatësisht në një bodrum kolektiv të ndërtesës, ka gjetur dhe sekuestruar:

• 3 – Armë të gjata

• 1 – tytë vazhduese

• 1 – Kondak për armë të gjatë

• 764 – fishekë te kalibrave të ndryshëm

• 14 – karikatorë

• 10 – krehër për fishekë

• 1 – granatë dore tymuese

• 2 – antiplumb ushtarak

• 4 – Mostra te mundshme e adn-së

• 2- jakne -xhaketa- ushtarake

• 1 – bluzë e uniformes ushtarake

• 1 – palë pantallona ushtarak

• Mbështjellës me material tekstili

• Shirita ngjitës

Lidhur me rastin është njoftuar prokurori i shtetit, i cili ka udhëzuar inicimin e rastit për veprën penale: “Mbajtje në pronësi, kontroll ose posedim të paautorizuar të armëve”.

Në lidhje me këtë rast nuk ka persona të arrestuar, ndërsa rasti mbetet nën hetime.

Policia e Kosovës falënderon qytetarët për bashkëpunimin dhe ndihmën e vazhdueshme, si edhe i inkurajon që çdo rast të dyshimtë apo veprim të kundërligjshëm ta raportojnë në numrin emergjent 192 ose në stacionin më të afërt policor. Vetëm përmes bashkëpunimit të ndërsjellë mund të sigurojmë një ambient më të sigurt për të gjithë qytetarët, pa dallim.