13:45 / E Hënë, 23 Mars 2020 / indeksADMonline
Politikanët në Itali me sjellje të pazakonta ndaj qytetarëve që s’respektojnë karantinën
Mosrespektimi i masave për parandalimin e koronavirusit ka bërë që kryetarë të komunave në Itali të bëjnë reagime të pazakonta në përpjekjet e tyre për të vetëdijesuar popullin që të mos dalin rrugëve.
Në një video-përmbledhje të disa prej reagimeve të kryetarëve të komunave në Itali shihet se ata përdorin ton të lartë e madje edhe kërcënojnë apo edhe kalojnë në fyerje.
Italia është vendi më i goditur në botë nga koronavirusi. Deri tash, në këtë vend kanë vdekur gati 5500 qytetarë, ndërsa janë infektuar afër 60 mijë.
