Porosia e Vjosa Osmanit për ushtarët e Kosovës

Kryetarja e Kuvendit të Kosovës, Vjosa Osmani tha se sakrifica e familjes Jashari tregoj  se sa e rëndësishme është liria, dhe se tani me dhembje e krenari kujtohet komandanti Adem Jashari, Hamëz Jashari, Shaban Jashari e të gjithë ata ushtarë që lanë jetën dhe  gjymtyrët e tyre për lirinë që sot e gëzojmë, shkruan IndeksOnline.

“Me heroizmin e tij që kulmoj më datën 5,6,7 mars Komandanti Adem Jashari krijoj solidaritet të madh shoqëror u bë frymëzim për të rinjtë duke ngritur ndjenjën e kryengritjes dhe rezistencës”, tha Osmani.

Ajo tutje të gjithë pjesëtarëve të ushtrisë së Kosovës u tha se sot ata gëzojnë respekt për rolin dhe angazhimin tuaj me përgatitjen profesionale. Por se ka edhe diçka më të rëndësishme se kaq sipas saj.

“Mbi të gjitha qytetarët tek ju shohin amanetin dhe garancën  e Adem Jasharit dhe që na obligojnë që të vazhdojmë rrugën e tyre. Qytetarët në aleancë me miqtë tanë shohin tek ju garancinë që  eshtrat e heroit Isa Boletin dhe kullat e tij që gjenden në Mitrovicë janë të paprekshme dhe te pacenueshme”, tha Osmani.

Kryetarja e Kuvendit tha se Kosova asnjëherë nuk ka pasur synime ndaj të tjerëve, por se siç tha ajo “qëllimi ynë ka qenë vetëm mbrojtja e atdheut tonë. Sot secili kadetë, ushtarë e oficer duke ta ketë parasysh sovranitetin e vendit, njësoj sikurse komandanti  Adem Jashari. Ai dha shembullin se si mbrohet atdheu e duke u shndërruar në simbol të rezistencës”, theksoi Osmani./IndeksOnline/