Porositi vrasjen e biznesmenit Nikulaj, porositësi u tradhtua nga një e afërme

Detaje të reja dalin në dritë në lidhje me vrasjen e biznesmenit Ardian Nikulaj në Shëngjin.

Raportohet se ka qenë një grua e afëme e porositësit, Edmond Haxhia, ajo që e ka tradhtuar dhe që ka çuar në zbulimin e ngjarjes.

Mësohet se gruaja në fjalë ka treguar në polici mbi takimet që Edmond Haxhia kishte me grupin e vrasëseve dhe bashkëpunëtorët e tjerë.

Po ashtu disa kamera sigurie kanë filmuar Edmondin, që thuhet se është organizatori dhe financuesi i këtij krimi, duke takuar me grupin që mori pjesë në vrasje.

Ardian Nikulaj u vra me armë zjarri mesditën e 19 prillit brenda lokalit të tij në Shëngjin. Policia ka shpallur në kërkim 4 britanikë, një shqiptar që ka porositur dhe financuar atentatin ku u ekzekutua 51 vjeçari dhe ekzekutorin portugez.

Shkaku i ngjarjes dyshohet të jetë gjakmarrja. Edmond Haxhia, është i afërm i familjes Lekstakaj me të cilën Nikulaj ishte në gjakmarrje që prej vitit 1996. Haxhia ishte kthyer në Shqipëri prej disa muajsh.

Të shpallur në kërkim

Edmond Haxhia, shtetas shqiptaro-britanik (porositësi dhe financuesi i atentatit)

Ruben Saraiva (ekzekutori portugez)

Harry Simson, shtetas britanik

Harriet Bridgeman, shtetase britanike

Thomas Mithan, shtetas britanik

Steven Hunt, shtetas britanik (shfaqet në kamerat e sigurisë teksa vëzhgon lëvizjet e Nikulajt).