Portali “MeKryeministrin” thotë se logoja e LDK-së për fushatë është bërë nga një kompani ruse

Gjatë ditës së sotshme u shpërnda një fotografi ku shkruhej “Mbesim në Lidhje”, e që u spekulua se është slogani zyrtar i LDK-së për zgjedhjet e 14 shkurtit në Kosovë.

Megjithatë, për Indeksonline, këtë e mohoi Sekretari i kësaj partie, Arban Abrashi ku tha se ky slogan nuk është slogani zyrtar i LDK-së dhe se është bërë nga disa simpatizantë.

“Slogani në fjalë nuk është slogan as logo zyrtare e fushatës së LDK-së, është thjeshtë një mesazh i prodhuar e shpërndarë nga aktiviste e simpatizantë të LDK-së. Ditëve në vijim, do të shpalosim logon e sloganin zyrtarë te fushatës”, u shprehë ai.

Sipas tyre, logoja është prodhim i një kompanie ruse. Por, e vërteta është se kjo logo nuk është porositur nga LDK. Kjo logo është bërë thjeshtë nga disa simpatizantë që e kanë shpërndarë në rrjetet sociale.

Kompania “Mindscape Studio” që përmendet  në artikullin e këtij portali, nuk është ruse por është nga Rumania.

Lajmet e rreme janë rritur shumë kohët e fundit në Kosovë./Indeksonline/