09:49 / E Diele, 06 Janar 2019

Porti i Durrësit, 855 mijë udhëtarë gjatë vitit 2018

Rreth 855 mijë udhëtarë me mbi 180 mijë autovetura gjithsej kanë preferuar të lundrojnë me tragete nga porti i Durrësit drejt porteve të Italisë dhe anasjelltas gjatë vitit 2018.

Sipas të dhënave vjetore nga Sektori i Statistikave në Autoritetin Portual Durrës, tragetet në vitin 2018 kanë kryer 1010 lundrime gjithsej, ose vetëm 2 lundrime më pak se sa në vitin 2017.

Numri i kamionëve dhe trajlerave me mallra eksport-importi, që kanë shfrytëzuar tragetet e linjave Durrës – Bari dhe Durrës – Ankona e kthim gjatë vitit 2018 arrin në mbi 76 mijë gjithsej.

Gjatë vitit 2018 kanë udhëtuar me tragete mbi 250 mijë shtetas të huaj, ose 10% më shumë se sa në vitin paraardhës.

Mos i humb

Të fundit