Presidenti dhe kryeministri lituanez evakuohen në bunker, aeroporti kryesor i mbyllur!
Lituania shpalli gjendje emergjence ajrore të mërkurën në mëngjes pasi një dron hyri në hapësirën ajrore lituaneze nga drejtimi i Bjellorusisë.
Ushtria aktivizoi misionin e mbikëqyrjes së hapësirës ajrore të NATO-s në Baltik dhe u bëri thirrje banorëve të zonave të prekura të evakuohen menjëherë.
“Alarm ajror! Shkoni menjëherë në strehimore ose në një vend të sigurt”, thuhej në njoftimin e emergjencës.
🚨RUSSIAN ATTACK
— 𝗝𝘂𝗮𝗻𝗮 𝗜𝗻𝗲́𝘀 (@JuanaInesX) May 20, 2026
LITHUANIAN AUTHORITIES SAY A RUSSIAN ATTACK IS UNDERWAY AGAINST LITHUANIA
Children are taking shelter in schools under their desks due to air raid sirens.
In the city of Vilnius pic.twitter.com/nKjoUtbsxW
Droni u pa në Lituaninë Lindore, pranë kufirit. Alarmi u përhap shpejt në Vilnius, ku niveli i kërcënimit u ngrit në të kuqe, niveli më i lartë i mundshëm i paralajmërimit. Banorëve të kryeqytetit iu bë thirrje të strehoheshin dhe të ndiqnin udhëzimet e shërbimeve të emergjencës, raporton Reuters-i.
Presidenti Gitanas Nauswda dhe zyra presidenciale u evakuuan në strehimore, konfirmoi zëdhënësi i zyrës, Frederikas Jansonas . I njëjti protokoll u zbatua edhe për Parlamentin lituanez, ku anëtarët e parlamentit dhe stafi u dërguan në bodrumin e ndërtesës. Kryeministrja Inga Ruginienë u dërgua gjithashtu në një strehimore.
Trafiku është ndalur plotësisht. Trafiku ajror mbi Aeroportin e Vilniusit është mbyllur, si edhe trafiku publik dhe hekurudhor./Indeksonline/
