Presidenti i Italisë, letër urimi Kosovës: Jemi përkrah jush, urime Dita e Pavarësisë

Presidenti i Italisë, Sergio Mattarella, i ka dërguar letër urimi Kosovës me rastin e Ditës së Pavarësisë.

Mattarella ka thënë se Italia qëndron krah Kosovës dhe se bashkëpunimi dypalësh ka shënuar rritje të ndjeshme viteve të fundit.

“Me rastin e festës kombëtare ju përcjell ju dhe popullit mik kosovar urimet më të mira nga Republika italiane.

Qëndrueshmëria e marrëdhënieve midis vendeve tona dëshmohet nga intensiteti i lartë i dialogut politik dhe bashkëpunimit dypalësh, i cili ka shënuar rritje të ndjeshme gjatë vitit të fundit edhe në kontekstin e sfidave të përbashkëta të paraqitura nga pandemia.

Italia qëndron përkrah Kosovës në rrugën e reformave dhe konsolidimit institucional. Integrimin e Prishtinës në institucionet evropiane e konsiderojmë si një hap me rëndësi primare në kompletimin e ndërtimit të shtëpisë së përbashkët europiane dhe me të njëjtën bindje vazhdojmë të mbështesim dialogun midis Prishtinës dhe Beogradit, të lehtësuar nga Bashkimi Evropian.

Duke rikonfirmuar angazhimin e vendosur italian në drejtim të stabilitetit rajonal përmes pjesëmarrjes në misionin e KFOR-it, edhe njëherë jua përcjell urimet e mia më të përzemërta për mirëqenie dhe prosperitet për Republikën e Kosovës”, thuhet në letrën e urimit nga presidenti i Italisë./Indeksonline/