75 Mall Live Search
10:21 / E Premte, 29 Gusht 2025 / SH

Presidenti i klubit të futbollit ekzekutohet me plumb në kokë teksa hante në restorant (Pamje)

Presidenti i një skuadre futbolli në Turqi është ekzekutuar me gjakftohtësi brenda një restoranti në Stamboll ku po darkonte me një mik të tij.

Autori gjakftohtë i veshur në të zeza dhe me kapele, hyri në restorantin e mbushur me klientë dhe me një tek plumb pistolete e qëlloi nga pas shpine në kokë 49-vjeçarin Tuncay Meric, në periferi të lagjes Cekmekoy.

Kamerat regjistruan vrasjen e presidentit të ekipit Alemdag Spor, mbrëmjen e së mërkurës dhe janë publikuar menjëherë nga mediat.

Autori i afrohet atij dhe, pasi nxjerr një armë nga brezi, e qëllon një herë në kokë, duke shkaktuar panik tek klientët, ndërsa ai ikën menjëherë.

Menjëherë pas ngjarjes forcat e sigurisë nisën hetime të gjera për të identifikuar autorin. Sipas njoftimit të Ministrit të Brendshëm Ali Gerlikaya, i dyshuari kryesor, një 17-vjeçar, u përpoq të arratisej jashtë vendit dhe u gjet në Edirne , ku u arrestua. Së bashku me të, një burrë 64-vjeçar i cili e fshehu të dyshuarin në shtëpinë e tij dhe u përpoq të ikte, po mbahet gjithashtu nga autoritetet.

Një dëshmitar okular e përshkroi momentin e vrasjes:

“Isha ulur në një kafene me miqtë. U ngrita për të shkuar në tualet. Po shikoja pamjet e një sherri. Nuk kishte asnjë debat, asnjë dialog. Papritmas, një burrë i ri në moshë të mesme ngriti armën drejt burrit pranë tij dhe e qëlloi. Të gjithë po vraponin në atë moment, unë u shtriva përtokë.”

Sipas mediave, autoritetet turke njoftuan se hetimi mbi motivet dhe rrethanat e vrasjes është duke u zhvilluar, me rastin që tronditi opinionin publik sportiv dhe politik të vendit, por shkaqet mbeten ende të panjohura.

Mos i humb

Të fundit nga Indeks+