Presidenti i Milanit: Atmosfera e derbit është fantastike, jam optimist se mund ta përmbysim rezultatin

Presidenti i Milanit, Paolo Scaroni, po shijon atmosferën ‘magjike’ të Derbit të Ligës së Kampionëve me Interin dhe shpjegon pse ka arsye të ndihet ‘optimist’ për shanset e skuadrës së tij.

“Atmosfera e këtij derbi është magjike”, tha Scaroni për Sky Sport Italia.

“Më pëlqen që tifozët kanë një raport të përgjithshëm miqësor, gjë që nuk është aq e zakonshme në një derbi. Shpresoj që gjërat të shkojnë më mirë se herën e kaluar!”

Kuqezinjtë u mundën 2-0 në ndeshjen e parë dhe për këtë arsye kanë një mal për t’u ngjitur, edhe nëse rregulli i golave si mysafir nuk zbatohet më.Lajmi i madh është se Rafael Leao është rikthyer në formacionin fillestar, pasi ka menjanuar një dëmtim muskulor që e detyroi atë të mungonte në përballjen e javës së kaluar në San Siro.

“Duhet të jem optimist, përndryshe jam në ankth. Plus, të mos harrojmë që Milani fitoi 4-0 si mysafir ndaj Napolit, kush do ta kishte parashikuar ndonjëherë këtë? Dhe ne kemi Leaon tani, kështu që ka arsye për t’u ndjerë optimistë”, përfundoi ai.